Өмнөговь аймгийн хэмжээнд зудархуу, өвөлжилт хаваржилт хүндэрч байгаа 3 сумын 300 малчин өрхөд Монголын УЗН-ээс хүнсний болон малын эрдэс тэжээлийн 8 нэрийн барааг хүргүүлснийг тус суманд  аймгийн УЗДШХорооны мэргэжилтэн Т.Оюунтуяагаар ахлуулсан ажлын хэсэг тусламжийн барааг хүргэн ирж Баян, Төхөм багийн 60, Наран багийн 40, нийт 100 малчин өрхөд олголоо. Тусламж авах өрх нь 200 хүртэл толгой малтай, хөгжлийн бэрхшээлтэй, өрх толгойлсон ганц бие хүмүүс зэрэг тусгай шалгуурын дагуу өрхийг сонгож багийн Засаг дарга нар, сумын ИТХ-тай хамтарч сонголтыг хийсэн. Сумын удирдлагууд малчид хөдөлмөрчид баярласан талархсанаа  Монголын УЗН-т уламжилж байна.